SUGDAN na sa dili madugay ang pagtukod sa proyekto sa lokal nga kagamhanan sa siyudad sa Cagayan de Oro ilabi na kining "State-of-the-Art City Public Library" diha sa City Central School, Yacapin-Velez streets, siyudad sa Cagayan de Oro.
Nahidangat usab si Secretary Martin Andanar, Presidential Communications Operations Office (PCOO), atol sa groundbreaking.
Ang tukoron nga proyekto dunay 52 ka mga lawak saringan, Girl Scouts of the Philippines (GSP) ug ang City Central School nga dunay elevator. Ang tibuok proyekto anaa sa P500 milyones, samtang ang unang phase anaa sa P100 milyones.
Gibutyag ni Mayor Oscar Moreno nga tungod sa edukasiyon, rason nga namahimong malambuon ang siyudad apan dili hilabtan tungod kay makasaysayon kini kaayo.
"Edukasiyon ang atong pinakapuhonan, Cagayan de Oro is what it is today because of the education that's as started by the Americans dinhi sa Cagayan," matud ni Moreno.
Gidugang pa ni Moreno nga dako kini nga proyekto ilabi na nga buot niini masiguro nga lig-on ang pundasyon niini tungod kay aron nga molungtad kini sa dugay nga panahon gani gipailalom kini sa soil test ug uban pa.
Gibutyag usab ni Engr. Rolando Pacuribot nga sugdan na kini sa dili madugay gani naghatag sila og usa ka semana aron mabalhin ang mga butang sa city library.
Giingong ang pundasiyon molungtad kini sa anaa sa pito ka bulan ug nanghinaot nga mahuman sa dili pa matapos ang termino ni Moreno.
"Hope before the end of Mayor Moreno's term, tagaan nato sila og one week to vacate ang duha ka city library, gubaon man na siya, i-demolish so naghatag nako og abiso nila one week," matud ni Pacuribot.
Gidugang pa niini nga duna kini duha ka mga elevator. Giingong ang pundo niini gagikan sa local school board sa siyudad.
Samtang nibutyag usab si Andanar nga mapasigarbuhon kini sa nakab-ot sa siyudad ilabi na sa natad sa edukasiyon.
"Lanog abot sa Manila ang legacy ni Mayor Oca pag-abot sa edukasiyon ug I'm very proud, thank you so much Mayor for giving this gift of education to our mga kababayan diri sa Cagayan de Oro City, " matud ni Andanar.