MAAYONG balita ang hatod ni Department of Education Undersecretary Tonisito Umali niadtong Lunes, September 9, atol sa paglusad sa National Teacher's Month dinhi sa probinsya sa Misamis Oriental.
Gibutyag niini nga ang ahensya nag-alokar og budget alang sa mga magtutudlo nga naghatag og honor ug didikasyon sa pagtudlo ngadto sa mga kabataan aron molampos ug maabot ang ilang mga gipangandoy sa kinabuhi.
"Taon-taon, wala namang naipapasok na cash incentive na ibinibigay sa ating mga guro. Walang kabayaran, walang kadudadua yung kanilang pagse-serbisyo, pero ngayon po naipasok po yan sa ating budget ng DepEd," pahayag ni Umali atol sa press conference ug gipasabot niini nga ihatag kini sa umaabot World and National Teachers' Day sa October 5.
Gibutyag sab niini nga gikatakda sab ang pagtaas sa suholan sa mga magtutudlo.
"Bukod po diyan, yung State of the Nation Address ng ating pangulo (Rodrigo Duterte), binanggit po niya yung pagtaas ng sahod ng ating mga guro at kung papaano po ito insaktong mangyayari, kailangan po kasi ng batas para mangyari ito, ang ating tinatawag na next tranche on the Salary Standardization Law ay mangyayari pong muli this 2019," dugang niini.
Niini sab nga kasaulogan sa Teacher's Month, ubay-ubay nga mga programa, tokens ug uban ang ipaabot ngadto sa tanang mga magtutudlo kon asa niadtong programa nanguna si Umali kauban si DepEd-Northern Mindanao Director Bayocot, Schools Division Superintendent Randolph Tortola sa Division of Misamis Oriental, ug Bernardito Gonzalez, Philippine Postal Corporation (PHLPOST) area director-Cagayan de Oro sa pagbukas sa Salamat Po! Letter Writing Advocacy Program Year 7.
Lakip sa mga pahalipay nga gihatag alang ngadto sa mga magtutudlo ning kasaulogan mao ang "Salamat Po Teacher" letter writing raffle promo nga bukas sa publiko gikan sa Kindergarten ngadto Grade 12 ug magsugod ning bulan sa September ngadto October.
Aduna sab discounted rate nga P100 sa mga magtutudlo sa BenCab Museum gikan sa September 5 ngadto October 5; Teacher's Treat promo sa Enchanted Kingdom: P700 Park ug Agila ticket, free EK souvenir, ug free skill game coupons sa September 5 ngadto October 6; kumpleto nga eyeglass package gikan sa Executive Optical: frame (barcode price) + lens 20 percent off, bukas sa tanan magtutudlo ug ipresenta lang ang balidong identification card; libreng regular fries nga adunay value meal purchase sa Jollibee store alang sa mga magtutudlo lamang gikan sa October 4 ngadto petsa 6; Microsoft: Free webinar sa mga magtutudlo ug bukas sa publiko sa tanang adlawng Sabado sa Oktubre; libreng entrance sa mga magtutudlo ug laing duha ka kauban sa Museo Pambata, free gift for teachers (limited slots) ug discount sa gift shop sugod sa September 5 ngadto October 5.
Lakip sab niini ang libreng entrance sa mga magtutudlo sa Manila International Book Fair gikan sa September 11 ngadto 15.