DILI uyon ang tsirman sa persons with disability (PWD) sa hisgutanan nga pagpagamit sa pansayan alang sa PWD ngadto sa LGBTQ.
Kini tungod kay galisod na sila ilabi na ang mga nag-wheelchair labaw na kung mas daghan pa ang mogamit niini.
Gibutyag ni Rolando Damaolao, tsirman sa PWD ug presidente sa Blind Inc., nga ma-crowded na unya ang comfort room nga alang kanila.
"Ang ako at first, diba gusto sila sa PWD, gakalisod na gani ang persons with disability, especially ang wheelchair users, galisod naglihok, ma-trap pa di pa kasulod diretso kay na crowded na ang CR, di makaihi na hinuon sa wheelchair," matud ni Damaolao.
Gidugang pa niini nga supak kini kay pwedi lang man sila nga manirado aron nga di mabugalbugalan.
"Against ko para nako, kung hunahunaon, sila dili sila tao nga naay kapansanan, why moingon sila nga iadto sa CR sa PWD, the second one gender nila is lalaki gyud diba. Talking about the privacy, ang CR sa lalaki naa may inodoro nga pwedi sila manirado. Kung transgender sila, pwedi man sila molingkod didto sa CR sa mga lalaki manirado sila para di sila bugalbugalan," dugang pa.
Alang kaniya, wala kini hinungdan ug walay ayo nga hisgutanan ug dugang lang nga labad sa ulo sa gobyerno.