SECTIONS
Thursday, September 19, 2019
SUPERBALITA CAGAYAN DE ORO

PWD-Friendly Barangay katumanan sa damgo sa PWD

DREAM come true alang sa mga kadagkoan sa sektor sa persons with disability (PWD) human gilusad na ang labing una nga search for PWD-Friendly Barangay sa siyudad sa Cagayan de Oro.

Gibutyag ni Maria Liza Corpuz, tsirman sa Person with Disability Affairs Office (PDAO), nga katumanan sa ilang dugay na nga gidamgo ang kompetisyon kalabot sa mga PWD kini aron nga mahatagan usab sila og insaktong pagtagad diha sa mga barangay ilabi nga nakasinati sila og diskriminasyon kaniadto.

"Actually, the search is a dream come true for us. Nalipay kaayo ko kay dugay na mi nangandoy ani na search," matud ni Corpuz.

Naglaom usab kini nga mao na ang sinugdanan aron nga dili na masinatian ang mga diskriminasiyon ilabi na ang pagsalikway kung magkihanglan og tabang.

Mapasalamaton usab si Rolando Damaolao, tsirman sa PWD, tungod niining maong ipahigayong search sa pinakaunang PWD-Friendly Barangay.

"Pasalamaton ta sa City Government sa Cagayan de Oro kay dugay na namo ni gi-wish nga dunay search nga nahitabo para ang mga local government, especially sa barangay level makahatag na og attention sa sector sa PWDs," matud usab ni Damaolao.

Ang pinakaunang search for Most PWD-Friendly Barangay, tumong niini nga mahatagan og insaktong pagtagad ang maong sektor. Kini dunay duha ka kategorya diin sa numbered barangay gikan sa 1-40 ug non-numbered barangay sa siyudad.

Ang pagduso sa mga dokumento hangtod lamang sa Septiyembre 30 diin ipasa sa buhatan sa PDAO nga dunay address nga City Social Welfare and Development Department, Ground Floor, New Building, City Hall, Cagayan de Oro City.

Ang mga basehan sa pagpili mao ang governance, health, education, social protection, infrastructure ug participation.

Ang mamahimong mananaog makadawat og P30 mil, sundan og P20 mil ug P15 mil diin i-anunsyo karong umaabot nga bulan sa Disyembre.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph