GISUPAK sa negusiyante ang P100 nga umento sa suholan nga planong pangayuon sa Trade Union Congress of the Philippines (TUCP).

Si TUCP partylist representative Raymond Mendoza niingon nga karong adlawa nila iduso ang ilang petisyon sa Regional Tripartite Wages and Productivity Board (RTWPB) kay sud sa duha ka tuig nang way umento ang suholan sa mga mamumuo sa Central Visayas.

"The Manny Pacquiao Blog". Click here for stories and updates on the Filipino boxing champ.

Apan si Eric Ng Mendoza, presidente sa Mandaue Chamber of Commerce and Industry (MCCI) niingon nga dako ra kaayo ang gipangayo sa TUCP ug di kini kaya sa mga negusiyante ilabina na nga wa pa gyud tanan hingpit makabangon gikan sa global financial crisis.

Si Mendoza sa interview sa dyLA niadtong Sabado niingon nga nakasabot siya sa sentimiyento sa mga mamumuo nga mangayo og umento gumikan sa pagtaas sa presyo sa mga palaliton.

Matod niya nga di siya supak nga dunay ihatag nga umento apan ang kantidad nga iduso sa TUCP di na kaya sa mga negusiyante.

Hinuon siya niingon nga duna may wage board nga motuki niini ug nanghinaot siya nga balansihon lang kon pila ray makaya sa mga negusyante aron di usab maapektohan ang pagpadagan sa negusyo.

“Karon ra ba di pa lig-on ang economy sa global perspective.

Talandugon pa kaayo. It’s not wa ko mouyon nga umentohan ang sweldo pero balansihon lang unta. Di palabian og pasaka. Kon duna man gani ipuno, ang tripartite nay mo-determine,” pasabot pa ni Mendoza sa radio interview.

Alang kang Mendoza nga ang labing maayong solusyon gyud aron mabuhi ang usa ka pamilya kinahanglang di mominos tulo sa ilang mga sakop ang dunay trabaho.

Aron usab kini mahimo, matod ni Mendoza, kinahanglang mo-generate og daghang trabaho ang gobyerno.