USA ka lalake nga natulog sa eskinita sa dan Bonifacio ug dan Jakosalem, Barangay Parian, siyudad sa Sugbo gipusil-patay niadtong Biyernes sa kaadlawon, Septiyembre 13.
Si PCapt. Armando Labor niingon nga ang maong biktima igo lang nailhan sa pangalang "Gigi", hingkod ug walay tinong pinuy-anan.
Base sa nakakita ang biktima sagad nga dinha magtulogan sa dapit kon asa gipusil.
Usa ka "Em-em' ang nakalalis sa biktima nga wala magdugay nibunot ang suspek og armas ug gipusil sa biktima.
Human sa insidente, dali ra usab nga nisibat ang suspek.
Samtang, gitan-aw sa kapulisan nga personal grudge ang motibo sa pagpamusil sa biktima. (BBT)