DUGANG problema pa ang ang nakita sa gipaayo unta nga taytayan sa Mananga. Sama nalang sa susama’g gabawud ang pagka-semento niini.
Nihimo sa pagsusi ang mga sakop sa City of Talisay Traffic Operations Development Authority (CT-TODA) sa wala pa nahuman nga giayong’ parte sa taytayan sa Mananga.
Niadtong Biyernes sa buntag, Setyembre 13, ang pangulo sa CT-TODA nga si Jonathan Tumulak nisusi sa dapit human nga karon untang adlawa, Sabado, Septiyembre 14, mahuman ang gikatakda nga pag-aspalto sa taytayan.
Apan sa pagsusi nila katunga pa lang ang naaspalto,sa dul-an usa ka gatus ka metros nga bahin sa taytayan.
Matud ni Tumulak nga gisugdan kini niadtong Myerkules, Septiyembre 11,
Lain pa nakita nga problema ang susamag ga-baw’d nga dan sa taytayan, kay dili patag ang pagkasemento. Aduna usab pay mga pipila ka liki nga nakita.
Tungod sa nakita, tinguha ni Tumulak ang pakigtagbuan og balik ang taga Department of Public Works and Highways (DPWH) 7 sa pag-address sa mga nakitang dugang problema.
Matud ni Tumulak nga kon dili masulosyunan ug paundayunan lang ang pagka-susama’g gabaw’d nga dan sa taytayan, posible kini nga mahimong’ hinungdan unya sa mga disgrasya sa maong dapit. (FMD)