SUSAMA sa nahibilin didto sa umahan
kining sunflower
dako ug may mga lapad nga bidlisiw nga dalag
sa tunga usa ka lingin sa itom nga mga liso
usa ka bakanteng mata nga walay kalimutaw
nihunong na kini karon og tan-aw sa kalibutan
nangita kini sa iyang anino
sa mga bukas nga dapit ‘pan maoy iyang hipalgan
kining dili mabahin-bahin nga bulok sa kangitngit,
dili na niya makita ang umahan,
ug ang mga buyog
busa nagtan-aw na lang siya karon
sa iyang kaugalingon
nagtan-aw na siya karon sa mga imahen
sa iyang katulogon naminaw sa mga sugilanon
kabahin sa mga bidlisiw ug bulok nga dalag,
mga liso nga nangatagak sa mga tambok nga yuta.