DEAR Noy Kulas,
Tagoa lang ko sa ngan nga Ching, 27 years old ug nagtrabaho sa usa ka company. Parte sa akong work nga makig-deal sa among heads ug usahay mokuyog sa meetings.
Mao ang source sa akong problema. Usa sa akong boss nga 55 years old maayo kaayo nako. Sekretuhan kog hatag og gifts kon dunay mga occasion. Pirme mi magkuyog niya kon dunay meeting sa gawas. Niabot ang time nga nanguyab siya nako. Wa nako siya gibasted kay maikog ko ug admit ko nga I also like him kay taas, macho sa iyang edad, medyo tisoy ug humot pa kaayo.
Until nga dihay occasion nga nagkuyog mi ug nakainom ming duha. Wa nako kalikayi dunay nahitabo namo nga nausban pa. In short, uyab na mi. Bisan unsaon nako nga di matintal, strong kaayo siya og dating nako. Gawas pa sukad nagkakami, naghatag siya nako og monetary support nga dako kaayo og tabang namo sa akong family.
Noy, kahibawo ko nga sayop ni akong gibuhat but he is so sweet and galante kaayo. Unsaon kaha nako paglikay niya? Naglisod ko ug naglibog ko unsaon Please tambagi ko.
CHING
Ching,
Bitaw maayo kay nakahibawo ka. But sa imo nang giingon ug sa uban pa, lisod pildehon ang tentasyon nga giubanan og material nga suporta. Sama gud anang uban nga biktima usab sa mga sirkumstansya nga mao usay ilang gilisdan paglingkawas.
Naa koy nasugatan nga case nga susama sa imong estorya. For a few years nahimo siyang no..2 sa usa sa mga big boss sa company. Nagkadugay nagkalubong siya sa relasyon nga sinugdan pa lang di unta angay. Ang iyang gibuhat, nag save siya og kwarta and without the knowledge sa lalake, but with permission sa iyang husband nga nagmata ra sab og buntag, ni apply siya og work sa abroad until nadawat siya.Karon toa na silang tanan sa abroad. Nakalingkawas siya sa relasyon nga winner ang tanan.
Bata pa kaayo ka busa di ka maglisod sa pagpangitag trabaho sa abroad. Kana kon determinado kang makagawas. Kani akoa suggestion ni kay akong nakita nga tuod lisod likayan ang relasyon nga dunay financial benefit nga makuha nga makaabag sa needs sa pamilya.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com