NAPULO ka mga armadong tawo nga nakataptap,sa ilang mga nawong ug sakay sa duha ka mga sakyanan nipusil patay sa usa ka lalakeng giingong sakop sa usa ka fraternity Sabado sa kaadlawon, Septiyembre 14, 2019.
Gisulod sa mga killer ang balay nila ni Jake Aleman, 32, taga dan V.Aranas Extention, Barangay Duljo Fatima, Siyudad sa Sugbo.
Matud pa ni Oscar Aleman Sr., amahan ni Jake, nga mga buto sa armas ang iyang nadunggan human sudla sa mga killer ang ilang balay.
Dugang pa sa amahan nga dili makita ang mga nawong sa killer kay nakataptap ug pulos mga armado.
Giingong duha ka mga sakyanan ang ninghunong sa gawas sa ilang balay base sa sulti sa mga saksi apan nangahadlok motug-an.
Matod ni Oscar gigamitan og silencer ang mga armas sa mga killer hinungdan nga dili kaayo kusog ang mga buto.
Hustisya ang gipangayo sa amahan sa pagpatay sa iyang anak. (BBT,AYB)