ANG University of Mindanao (UM) Wildcats men’s spikers mipildi sa defending champion Mafar-Barmm samtang ang Davao Optima napabilin ang titulo sa 6th Abreeza Kadayawan Open Volleyball Tournament ning bag-o lang.
Ang Wildcats, nga gigiyahan ni Jhonathan Vanta, nakalingkawas sa Mafar-Barmm, 25-17, 25-17, 22-25, 22-25, 15-8, sa ilang championship match.
Kini ang ikaduhang Abreeza title sa UM human sila midaug sab niadtong 2016.
Si Vanta nagsulti, “Wala mi nag-expect na magchampion kay naa sila 2 players na nagadula sa Spikers Turf sa Manila plus naa pa si Sarte. Kusog sila na team just recently napildi mi nila sa Ateneo na league.”
Ang UM may mga bag-o mao nga wa sila magdahum nga malampurnas ang Mafar-Barmm.
“We were optimistic and hoping na kaya namo sila mapildi. They just wanted to win and they created less error than the opponent,” dugang niya sa Facebook Messenger interview tali Sun.Star Davao, Biyernes.
Ang tim gilangkuban nila Fred Lhormand Maghinay, Romel Bughao, Charlon Gem Daan, Stephen Campo, Rex Paller, Artoniel Mahino, John Vincent Yson, Kayeanne Monares, Christian Kieth Sampinit, Vincent Dimalanta, Julyven Dayanan, Rhyan John Bansagan, Ernesto Dela Cerna, Mark Gil Malbas, ug Kester Ubaldo.
Ang Albrycar Construction, nabutang sa ikatulong pwesto human gipildi ang University of Mindanao (UM) Tagum, 25-19, 22-25, 25-23.
Sa distaff side, ang Miraluz Joy de Leon-coached Davao Optima mipukan UM Tagum, 25-17, 25-20, 21-25, 23-25, 15-13 sa ilang bugno sa finals.
Ang UM Davao, sa ilang parte mitiwang sa Saiha, 25-19, 25-16, sa ilang away sa ikatulong pwesto.