Hollywood tsika: Sentensiya

LUAG sa dughan nga gidawat sa aktres, Felicity Huffman, ang sentensiya sa korte nga mapriso siya og 14 ka adlaw.

Gipabayad sab siya sa korte og $300,000 ug 250 oras nga community service ug usa ka tuig nga supervised release.

Apil siya sa gipasakaan og kaso tungod sa paghatag og kwarta sa pipila ka inilang unibersidad aron lang makasud ang ilang anak.

Mitaliwan

Mipanaw na ang US singer-saxophonist nga si Eddie Money sa edad nga 70.

Suma sa pamilya niini nakabaton og kumplikasyon ang iyang stage 4 esophageal cancer.

Niadtong Hulyo gikansela niya ang iyang summer tour tungod sa developing pneumonia samtang nagpaalim siya sa iyang heart valve surgery.

Pipila sa mga kanta nga iyang gipasikat mao ang “Two Tickets to Paradise” , “Take Me Home Tonight”, “Baby Hold On” ug daghan pa.