Saludo Kami: Pag-ayuda sa mga mag-uuma

DAVAO. Si Roni Manching, usa ka farmer scientist ug nag-adbokar sa organic mipakita sa ‘treated banana plant’ nga gibutangan og KWR Permaculture foliar ug biocon agent. (Gipaambit nga hulagway)
DAVAO. Si Roni Manching, usa ka farmer scientist ug nag-adbokar sa organic mipakita sa ‘treated banana plant’ nga gibutangan og KWR Permaculture foliar ug biocon agent. (Gipaambit nga hulagway)

SA PAGLAMPURNAS sa sakit nga Fusarium o Panama disease sa Davao Region daghang mag-uuma ang mi-aray tungod apektado ang tinanum nilang saging.

Ug aron matabangan ang mga mag-uuma ang Department of Agriculture (DA) Davao Region nagkonsidera sa paggamit sa foliar ug biocon agent nga ginama sa usa ka mag-uuma gikan Davao del Norte isip alternatibong solusyon sa maong sakit sa tanum.

Si Director Ricardo Oñate Jr. nagsulti sa Philippine News Agency (PNA), Huwebes, nagsulti nga ang KWR Permaculture concoctions nga ginama ni Roni Manching, usa ka farmer scientist, masaligan gyud nga pangontra sa maong sakit sa tanum.

“What is important is for us is to make an atmosphere to be productive. If we will wait and do nothing, our small farmers will be greatly affected,” suma ni Oñate.

Dugang niya, “we are giving our farmers hope and option for them to continue in banana farming.”

Ang Fusarium wilt usa ka soil-borne pathogen, gihulagway nga “invincible breed of fungi” nga motapot sa mga tanum nga saging.

Dugang pa, “it has the ability to live or exist in long time dormancy (30-50 years).”

Ang Fusarium fungi mopugong sa vascular system (Phloem) sa tanum, mao nga mahikawan sila sa gikinahanglang minerales, nutrients ug moisture, rason nga mag-yellow ang tanum hangtud sa kini mamatay.

Si Manching, nga advocate sa organic, nagsulti nga tumong niya nga mapaila-ila sa mga mag-uuma ang simple nga pamaagi aron sab sila makaprodyus og maayong klase sa saging ng i-export, nga magdepende lamang sa natural nga potensiyal sa yuta.

“KWR’s simplified banana farming system uses basic but effective farming approaches focusing on plants natural behavior and character in consonance with nature’s diverse resources to sustain plants need,” suma niya.

Dugang niya nga ang “acidity” sa yuta dili mao ang nag-unang rason nga ang pathogens mahimong aktibo mao nga ang Fusarium molugwa ug dauton ang tanum.

Niya, “that the foliar solution would arrest sigatoka infection and will allow fruit setting while the biocon is for the soil treatment which managed the Fusarium wilt.”

Sa kasamtangan, ni Manching ang University of Southeastern Philippines (USEP) mihimo og pipila ka trial gamit ang konkoksiyon sa holticulture, vegetable production ug drip irrigation.

Ang KWR Permaculture nakasilbi na sa 50 sites nga mga 600 ektarya sa nagkadaiyang probinsiya sa Davao Region.

Sa nakalabay nga bulan, ang tim gidapit nga ipresenta ang ilang “simplified farming system study” atol sa 6th International Conference sa Bangkok, Thailand.

“We are elated that they believe in our study and we made them realized that the problem in the banana industry is serious and can be a worldwide phenomenon,” suma sa mag-uumang sayantipiko.

Samtang si Dodz Alegado, banana farmer sa Panabo City, Davao del Norte, nagsulti nga 70 porsiyento sa iyang 35 ektarya nga plantasyon sa saging ang gidaut sa Fusarium wilt.

“I tried the foliar and i saw amazing results. I was able to control the disease by using the biocon also,” duma niya.

Ang mga produkto sa KWR suma “aerobically cultured in natural climatic condition,” mao nga kini epektibo kaayo isip insect repeller.

Ang pormulasyon sab niini gi-adjust aron malikayan ang ‘pathogen and predator resistance and immunity.’

“Fusarium is invincible. We cannot stop it but we can manage it,” panapos ni Manching. (PNA)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph