Gipanglampornas sa San Roque ang Candulawan, 119-59, sa Juniors division sa 2019 Talisay City Mayor’s Cup ning bag-uhay lang sa Talisay City Sports Complex.
Pagsugod pa lang sa kombati, nagdilaab na ang opensa sa San Roque ug ilaha dayong gipanglubong og taga liog ang Candulawan, 34-4.
Wala na molingi pagbalik ang San Roque gikan niini hangtod na sa katapusang gutlo.
Gipangulohan ni Juneckon Balingit ang San Roque pinaagi sa iyang 28 puntos samtang niamot og 23 puntos si Jade Maduyo.
Sa Seniors division, gipangpukan sa Poblacion ang Bulacao, 86-79, pinaagi sa pagpangulo ni Allan del Rosario, kinsa nagpauwan og 23 puntos.
Sa laing duwa, gipangmakmak sa Lagtang ang Manipis, 83-69. (JNP)