Geobert gipukan sa PB Corp., 86-81

GIPANGPUKAN sa PB Corp. ang Geobert Stone, 86-81, sa Open division sa Consolacion 10th Mayor Alegado’s Cup Basketball Tournament niadtong Biyernes, Septiyembre 13, sa Consolacion Sports Complex.

Ang PB Corp. nabiyaan og 10 puntos human sa 1st quarter apan miaginod ang opensa niini hangtod nga nailog nila ang kadaugan.

Gipanulohan ni Regie Gabato ang kadaugan pinaagi sa iyang 19 points, samtang nihatag og 16 puntos si Rumar Ponce.

Nagkumboya og 41 puntos sila si Lemuel Malagar, Philip Garcia ug Mil Linao aron itampo sa PB Corp.

Ang Geobert gipangulohan ni Dwight Gonzaga pinaagi sa iyang 32 puntros.

Sa laing duwa, gipangmakmak sa Poblacion Oriental ang Poblacion Occidental, 64-48, sa Midget Category A.

Gipangulohan ni Christian Mapiscay ang Poblacion Oriental pinaagi sa iyang 25 puntos.

Kuyaw sab nga nakadwua alang sa Poblacion Occidental mao si Adrian Adolfo, kinsa nagpakatapo og 23 puntos.

Sa lain pang mga kombati, gipanglupig sa Lamac ang Danglag, 91-84, sa SK Juniors category A samtang gipangkastigo sa Tayud ang Tugbongan, 97-75, sa IB Seniors Category A. (JNP)