MABIBO pagbalik ang senaryo sa volleyball sa Sugbo sa pagkabanhaw sa Governor Gwen Garcia Unity Volleyball (GUV) Cup sugod karong Septiyembre 28, 2019 sa Mandaue City Cultural and Sports Complex.
Gibutyag kini atol sa usa ka organizational gathering niadtongon Sabado, Septiyember 14 sa Capitol Social Hall.
Gatusan ka mga atleta gikan sa 35 ka mga lungsod ug dakbayan sa Sugbo ang ningtunga sa panaghugpong nga gipangulohan mismo ni Cebu governor Gwen Garcia.
“Kay naninguha ko, sa akong kalisud sa unang termino nga ma unite nako ang Sugbo. Apan lisud kaayo kay nagkadaiya ang ilang kaugalingong interes nga politikanhon,” matod ni Garcia.
“So niingon ko, aw kay di man kaha mo mokuyog nako dire sa ato unta nga agenda alang sa kaayohan sa Sugbo, kuyog na lang usa ta dire sa duwa. Mao nang gitawag nato na nga Gov. Gwen Garcia unity volleyball cup.”
Kini nga kompetisyon nakatabang og dako aron mahashasan ang abilidad sa ubay-ubay na nga volleyball stars nga gikan sa Sugbo pinangulohan nila ni Catmon-native Grethcel Soltones ug Compostela-pride Cherry Ann Rondina.
Si Soltones nahimong Most Valuable Players sa NCAA samtang si Rondina sa UAAP. (JNP)