Coach sa Serbia mi-resign

MILUWAT sa iyang katungdanan isip headcoach sa Serbia si Sasha Djordjevic kagahapon, Septiyembre 15.

Kini human nga ang iyang team nga maoy inilog nga makalangkat sa kampiyonato sa World Cup sa China igo lang nalandig sa ikalimang puwesto.

Gipahibawo ni Djordjevic ang balita human mapildi sa Serbia ang Czech Republic, 90-81.

“I’ve already told the players I think it’s time to leave,” matod ni Djordjevic pinaagi sa interpreter. “That’s it. I want to resign now. ... I’m leaving in a moment when we unfortunately didn’t manage our goal.”

Gipadayag ni Djordjevic nga nakadesider na diay siyang daan nga mo-resign duha ka semana sa wala pa mosugod ang World Cup.

Ingon niya nga wala siya pugsa sa pagpaluwat tungod sa bati nga resulta sa World Cup kon dili iyang kabubut-on tungod kay plano niya nga makighuyhoy sa iyang pamilya. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph