WALA mahitsura ang ulo sa usa ka lalake human dunggaba gamit ang kutsilyo nga niresulta sa kamatayon.
Ang biktima nailhan nga usa ka 'Jerry', 40s, ug molupyo sa Barangay Duljo Fatima, siyudad sa Sugbo.
Si PMsgt.Niculo Gonzales, imbestigador sa Mambaling Police Station, niingon nga ang biktima notado nga 'manuyopay' sa dapit ug posible nga personal grudge ang motibo sa pagpanunggab.
Dugang ni Gonzales, nabutyag sa ilang nagpadayong imbestigasyon nga ang biktima dunay mga higayon nga giingong 'manambling' o dili mobayad sa kontak sa tinubdan sa ilegal nga drugas.
“Naay nakasulti namo nga kining biktima sige manambling. Kana bitaw sugoon siya og papalit og shabu unya e dagan ang kwarta,” matod ni Gonzales. (BBT)