GIAWHAG sa Cebu City Council ang tagdumala sa mga barko nga nagbiyahian sa dakbayan sa Sugbo nga ipahiluna sa lower deck ang ilang mga pasahero nga senior citizens, persons with disability (PWDs) ug mga babaye nga mabdos.
Si Konsehal Joel Garganera maoy nipalabang og resolution alang sa pormal nga pag-awhag sa mga nanag-iya og barko paghatag og prayoridad sa tulo ka mga sektor.
“It is imperative to provide these priority seats in order to ensure the general well-being of the riding public by providing facilities and services that offer convenience and comfort of the passengers on the whole duration of their travel,” tipik sa resoluson ni Garganera.
Lakip sa mga sakyanan nga pandagat nga giawhag sa City Council paghatag og prayoridad sa nahisgotan sa taas, sa dili moubos sa 12 ka pasahero nga gitugotan sa Maritime Industry Authority (Marina) lakip na sa barge nga sagad gihimong roll-on-roll-off (RORO) nga pasaheroan. (PAC)