Midasig sa 'paglaom' sa media

Fr. Robert Ebisa, SVD
Fr. Robert Ebisa, SVD

PAGLAOM.

Mao kini ang pahinumdom ni Fr. Robert Ebisa, SVD sa iyang wali sa misa sa pag-abli sa ika-27 nga kasaulogan sa Cebu Press Freedom Week 2019 sa Capitol Social Hall kagahapon, Dominggo, Septiyember 15, taliwala ning yugto sa kalibog ug kakurat sa bag-ong pwersa sa komunikasyon sa social media.

Gidasig ni Ebisa ang mga miyembro sa media sa Sugbo nga mogawas sa ilang comfort zone o sa ilang mga naandan aron pagdawat sa bag-ong mga oportunidad og mamahimo kining lakang ngadto sa kalamboan sa industriya sa media hilabi na sa kauswagan sa modernong teknolohiya sa komunikasyon.

“We should not be discouraged. We should move forward. But there is a need for us to examine our way of doing things and reinvent ourselves. We have to learn to adopt in the face of this changing media landscape,” dugang ni Ebisa

Susama sa libro nga Hope for the Flowers, libro mahitungod sa duha ka caterpillar (ulod), si Ebisa nisalig nga daghan pa nga mga oportunidad ang nagpaabot sa media hilabi na sa pagbutho sa rebolusyon sa digital flatform.

Bug-at ang hagit ni Ebisa sa pagpadayon sa tinuonay nga serbisyo ug mohangop sa kabag-ohan ug bag-ong paglaom uban sa pagpangaliya sa Kahitas-an.

Human sa misa, gisunod ang dance competition sa tulo ka media outlets sa Sugbo ug raffle draws.

Kampiyon sa dance competition mao ang Cebu Daily News (CDN) Digital sa dance competition. Nakadawat kini og P20,000.

Ang 2nd place nakuha sa The Freeman nga nakadawat og P15,000. Gisundan sa SunStar Cebu isip 3rd place ug nakadawat og P10,000.

Samtang niadtong Sabado, Septiyembre 14, gihimo ang pre-event sa Cebu Press Freedom Week nga Search for Mr. and Ms. Press Freedom sa Cebu Business Hotel.

Ang Cebu Press Freedom Week usa ka matag tuig nga kasaulogan kada ikatulo nga semana sa Septiyembre isip pahinumdom sa deklarasyon sa Martial Law sa Pilipinas niadtong administrasyon ni Marcos ug pahinumdom sab nga ang papel sa medya komunidad mao ang mahimong watchdog sa gobyerno.

Ang lead convenor sa kasaulogan ning tuiga mao ang SunStar Cebu ug Superbalita Cebu. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph