USA ka taas nga opisyal sa Department of Health (DOH) maoy labing uwahing batid sa medisina nga nisalikway sa pagtuo nga ang cell sites maka-cancer ug ubang misconceptions.
Si Dr. Gladys R. Cabrera, health physicist IV sa DOH, niinsister nga ang kagamhanan estriko sa pagtukod og cell towers o cell sites aron pagseguro sa kaluwasan sa mga tawo nga nagpalibot sa usa ka cell site.
Gawas sa nagkalainlaing permits ug clearances gikan sa homeowner groups, barangay ug ubang local government unit (LGU), gikinahanglan sa kompanya ang pagkuha og pagtugot gikan sa DOH.
“Prior to the installation of the cell sites, all telecommunication companies are required to secure a Department of Health safety evaluation report,” matod ni Cabrera.
Si Cabrera niingon nga ang DOH safety evaluation report maoy importanteng requirement dili lang sa pagseguro sa cell sites dili makadaut sa panglawas sa mga residente, apan pagsalikway sa sayop nga pagtuo ug hunahuna nga ang cell towers hinungdan sa cancer ug ubang sakit.
"It contains information about the safety distances. Ma-e-ensure po natin na protected ang individual from harmful effects of non-ionization radiation emitted from cell sites,” dason niini.
Sa pagkakaron, dunay dul-an sa 67 million active internet users sa Pilipinas nga nagaambit sa paggamit sa 17,850 cell sites.
Busa, ang nasod napugos sa pagsilbi sa average nga 3,753 people per cell site.
Dako kini og kalahian sa ubang silingang nasod sama sa China, diin 381 active internet ang nagbahin sa usa ka cell site.
Ang Globe agresibo sa pagtukod og dugang cell sites uban sa iyang commitment sa pagpalapad sa network coverage ug kapasidad sa maayong kasinatian sa internet sa kustomer, taliwala sa kataas sa proseso sa pagkuha og permits sa cell site. (PR)