NAGPADAYON sa pagpakaylap sa kasayoran bahin sa iyang mga programa ug serbisyo ang Department of Social Welfare and Development (DSWD) Field Office-7 sama sa information caravan sa Dumanjug, Sugbo.
Dili mominos 100 ka mga partisipante sa kalihokan nga naglakip sa 4Ps beneficiaries, Sustainable Livelihood Program participants, Kalahi-CIDSS volunteers and daycare workers.
Ang Pantawid Pamilyang Pilipino Program (4Ps), Sustainable Livelihood Program (SLP), Kalahi-CIDSS, Unconditional Cash Transfer (UCT), Social Pension for Indigent Senior Citizen and Assistance to Individuals in Crisis Situation (AICS) mao ang gihisgotan sa kalihokan.
Ang mga partisipante gidasig sa pagpangutana ug pagpaklaro bahin sa programa ug mga serbisyo atol sa open forum diin ang ma mamumulong ningtubag dayon niini.
Usa sa community volunteers nipaambit sa iyang kasinatian sa Kalahi-CIDSS.
“Ni-volunteer ko aron makatabang sa barangay samtang ang gihimong concreting sa 0.350 km Brgy. Road sa purok saging nag padayon.Kaluoy sa Diyos sa among pagpaningkamot, amo jud nakab-ot ang among kalampusan. Mapasalamaton kaayo ko sa Kalahi-CIDSS ingon man sa barangay captain na wala mi ginapasagdan,” matod ni Ginang Evangelista C. Oyangoren, Kalahi-CIDSS community volunteer.
Sa wala pa matapos ang kalihokan, ang mga partisipante aktibong nitubag sa mga trivia question gikan sa DSWD staff kabahin sa mga programa ug serbisyo nga gipaambit sa mga pagtuki sa mga mamumulong.
Dunay ganti ang makahatag sa insaktong tubag sa mga trivia question.
Kabahin sa kalihokan sa mga partisipante mao ang pag-adto sa Barangay Kolabtingon, Dumanjug aron pagbisita sa hanging footbridge, natapos nga proyekto sa Kalahi-CIDSS sub-project. (PR)