Dear Papa Joe,
Tawga lang ko sa ngalan nga Papa Cards. Naa na ko sa saktong pangidaron.
Ang akong problema kay bahin sa akong kauban sa trabaho. Actually dili lang jud ako ang naproblema ani, lakip na akong kauban sa among team.
Kini man gud among team manager kay bias siya sa ubang member, kay among team man gud naa apil namo ang iyang uyab ug igsuon maong mas paboran niya sila. Kami ani igo ra sa pagyawyaw sa among kaugalingon.
Kini man gud isyuha, Papa Joe, last year pa ni unya amo nani gisulti sa among shift manager. Apan ang estorya niya namo kay tagaan pa daw namo siya og taas nga panahon.
Medyo suod sad sila gamay, Papa Joe, maong magduda ra sad mi nga basin igo ra mi paminawon pero way aksyon.Unsa man amo buhaton ani, Papa Joe? Salamat.
PAPA CARDS
Papa Cards,
Kanang labor practice sa inyong manager kon tan-aw gyud ninyo kay bias, pwede man na ninyo ireklamo gyud internally sa inyong admin. Signed ninyo tanan as petition kay di buot pasabot nga manager ka immune na lang ka sa mga legal sanction sa kompaniya.
Naa sad nay protocol. If di mada, pwede mo moduol sa Department of Labor and Employment. Pero kana mada ra na og hilot ninyo ba. Kon mahimo sagdahi na inyong kauban basta trabaho lang mo. Remember naay gyuy epekto tanan. Salamat.
Papa Joe
(sa inyong tampo ipadala sa papajoesuperb@gmail.com)