SUPERBALITA CEBU

Editoryal: Ipabilin ang kainit

Editorial cartoon by Ariel Itumay

SA USA ka artikulo sa Poynter Institute kon unsaon sa pagduma sa newsroom subay sa kabag-ohan, gipakasama sa usa ka proseso sa managlahing ang-ang sa kasub-anan sa usa ka tawo human sa pag-antos sa panagbuwag o pagkawala sa minahal sa kinabuhi.

Ang ang-ang sa pagdumili sa pagdawat sa kamatuoran, kasuko, pugos nga mosabot, kahiubos ug ang pagdawat.

Lisod ang pagsulti kon asa sa nahisgotang ang-ang sa taas nahimotang ang usa ka organisasyon sa media karon.

Ang industriya sa kinatibuk-an, nasinati sulod sa nangaging katuigan, sukad sa miaging Cebu Press Freedom Week, sa kutay sa pagkasiak, pagkaalkanse ug nabaniog ang kamatayon sa mantalaan.

Sa media sa Sugbo, usa ka mantalaan nisira sa ilang sa pagprinta ug nitutok sa digital, ang sirkulasyon sa nabiling mantalaan mikunhod, mitiurok ang kita, ang tigpanday sa balita migamay, ug mga kaubang mamahayag namiya pinaagi sa halapad nga panaktak sa kompaniya o resignasyon.

Usa kini sa sunodsunod nga kasakit.

Ug, dihang nilugdang na sa pagdawat, mahigmata kita nga kinabuhi ug mopadayon. Nakita nga dunay panginahanglan gihapon sa kasayoran sa bisan unsang porma o pamatasan sa paghatod sa balita.

Apan ang mga kompaniya sa media sa Sugbo nakakita og daghang opurtunidad nga miabli sa digital sphere, sa linawas nga pagtaho ug pakiglambigit sa real-time tali sa tumatan-aw o tigpamati.

Ang dalan sa biyahe sa pagpabilin ug kausaban batuon.

Daghang mamahayag ang namiya tungod sa kalisod ug walay kasegurohan. Ang mga negosyante, daghan kanila, nisibog na usab.

Apan dunay uban nga nakahukom nga lig-ong moharong ug mopadayon sa operasyon.

Atol sa okasyon sa Cebu Press Freedom Week 2019, awhagon nato ang publiko sa pagbarog uban kanato.

Ipabilin ang kainit sa pamahayag nga alegre ug pagtabang sa pagtuboy sa free press. Pagsabot sa bili sa mamahayag alang sa demokrasya ug pagdemanda nga ang mga tawo nga naa sa gahom moila niini.

Sama sa kataposan lima ka mga ang-ang sa kasubo, human naa ang pagdawat sa kausaban nga nahitabo, kita moirog sa unahan, segurado nga kita buhi ug kita makalampos niining mga pagsulay ug kausaban.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph