SUPERBALITA CAGAYAN DE ORO

‘Bring me eco-bricks’ alang sa dunay Leukemia

(SunStar photo)

NANAWAGAN ang tinugyanan sa City Local Environment and Natural Resources Office (Clenro) nga motabang sa ilang ipahigayong “Bring me eco-bricks” kini aron nga matukod ang center alang sa Leukemia Patients and Parents Organization (Leupapo).

Nasayran nga mismong si Nico Bolzico, environmentalist, negosyante, blogger ug bana sa artista usab nga si Solenn Heussaff, ang endorser niini atol sa pagbukas o pagpakita sa desinyo sa center alang sa mga bata nga naghambin og sakit nga leukemia.

"In the end of the day all our visions and missions are to give back to the community, in my particular case I'm not from the Philippines but my heart is Filipino, my wife is Filipina, my baby will be Filipina so this is my home, and the Philippines, the country that give me so much, much more than my own country, so whatever I can give back I don't doubt," matud ni Bolzico.

Gidugang pa niini nga mapasalamaton kini mismo ni Engineer Armen Cuenca, pangulo sa Clenro, nga nahimong parte niini nga kalihukan ug buot niini nga makatabang pinaagi na usab sa impluwensiya sa social media ug mismong pagdonar og dugo.

“Thinking about the sacrifice and everything that the parents are doing for their kids with leukemia, I cannot even start thinking about their pain and how strong not only the kids but the parents and the family have to be, seeing them is kind of like give you perspective what life is about,” dugang pa.

Nasayran nga kini mismo ang nag-endorso sa eco-brick alang sa kinaiyahan tungod kay nag-inusara lamang ang atong pinuy-anan ug kini alang sa sunod nga mga henerasiyon rason nga angayang atimanon ug hatagan og dakong importansiya ang kalikupan.

Matud usab ni Cuenca nga kini alang sa puy-anan sa mga dunay sakit nga leukemia nga nagagikan pa sa nagkadaiyang probinsiya ug walay mapasilongan o kapuy-an.

"Katong ilang propose nga puy-an kay ang mga patient coming from different provinces in Mindanao kay lisod kaayo magtambay lang sila og gawas sa NMMC at least nakita sa Leupapo nga kinahanglan sila atimanon," matud ni Cuenca.

Nanawagan usab kini nga modonar og usa ka eco-brick tungod kay daghan ang matabangan niini ilabi na ang mga dunay sakit nga leukemia, mga nanginabuhi sa kanhi basurahan nga mao nay gahimo sa eco-bricks ug lakip na usab ang kinaiyahan pinaagi sa paglahi sa mga basuta ilabi na ang mga laminated plastic ug dili paglabay sa basura bisan asa.

"Ang amo nanawagan mi og kinsa tong gusto modonate bring me eco bricks, hatag ka isa ka buok P30," matud ni Cuenca.

Mapalit ang eco bricks og P22 diha sa hub apan gipresyohan sa og P30 aron ang P8 maoy magamit sa pagpalit og mga kabilya, paghimo og pultahan, bintana ug uban pa.

Gidugang pa nga gikan sa mga tawo nga philanthropist o manggihatagon ang pundo nga gamiton samtang ang yuta donasiyon usab kini.

Mapasalamaton usab si Reczel Clarabal, founder sa Leupapo, tungod kay mao na kini ang sinugdanan sa dugay na nga gipangandoy alang sa mga gitabangan nga anaa sa kasamtangang gi-abangan nga balay.

"This this the first time sa Philippines nga magtukod og building with eco-bricks nga third floor, I hope nga ang mga tawo gyud nga makabalo ani nga, tag P30 ang usa pila ra pag sacrificie sa usa ka adlaw pwedi ra gud nimo ihatag ang P30 para sa naay sakit nga leukemia," matud ni Clarabal.

Samtang nagpasalamat usab si Mayor Oscar Moreno sa tanan kinsa naghatag og pagtagad sa kinaiyahan ug sa pagtabang sa mga nanginahanglan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph