NAGPABILIN nga nasakmit sa Cagayan de Oro Police Office (Cocpo) ang "Best City Police Station" karon nga tuig diin gitakdang ipahigayon ang awarding Lunes, Septiyembre 16 atol sa Police Service Anniversary diha sa Camp Alagar, Lapasan, Siyudad sa Cagayan de Oro.
Nasayran nga nagpabilin ang titulo sa Cocpo samtang ang City Mobile Force Company sa siyudad mao usab ang CMFC of the year ug ang Police Station 5 (PS5) sa Macabalan mao ang namahimong station of the year.
“Nalipay ta no nga we're informed by Camp Alagar nga ang Cocpo na-retain niya ang iyang title nga best city police station of the year,” matud ni Dampal.
Nasayran nga ang Macabalan ang nahimong Police Station of the year tungod kay giingong usa sa mga basehan niini mao ang mga natalang kaso o krimen diha sa ilang area of responsibility nga nasulbad ug sa maong estasiyon giingong usa na lamang ka kaso ang wala pa nasulbad.
Masayran usab ang mga dugang award ilabi na kon matapos na ang pagpahigayon sa maong kalihukan.