NAGPASALIG si Mayor Oscar Moreno og dakong kantidad alang sa kalihukan sa Cagayan de Oro Police Office (Cocpo) kini isip pasalamat na usab sa kapulisan sa malampusong pagsaulog sa kapistahan sa siyudad sa Cagayan de Oro ug paghatag og seguridad sa siyudad sa tanang panahon.
Nasayran nga naandan na nga magpahigayon og basketball cup matag dunay bag-ong city director kini aron mahatagan usab og kahigayonan ang mga mahilig niini nga isports ug mapakita ang teamwork sa kapulisan.
Gibutyag ni City Directory Police Colonel Henry Dampal nga kini nagpalambo sa teamwork sa kapulisan.
“To ensure nga condition pa gihapon atong kapulisan to perform their duties and responsibilities at the same time kini nag encourage ug nag develop og team work sa atong personnel,” matud ni Dampal.
Samtang mapasalamaton usab kini ilabi na nga nagpasalig si Moreno nga mohatag og P150,000.
"So atong himuong P150,000 sigurado ako si Vice Mayor Kikang would agree to me ug ang atong mga konsehales, this is our simple way of saying 'thank you,’ sa inyong pag-atiman," matud ni Moreno.
Nasayran nga ang premyo lamang sa Cocpo anaa sa P5,000 alang sa Best in Uniform, P5,000 alang sa Smiling muse ug P5,000 alang sa cheering sa wala pa nibungat si Moreno sa maong kantidad.