SUPERBALITA CEBU

50 foodstalls gipabalhin

(SunStar photo/John Kevin D. Pilapil)

ORMOC CITY, Leyte -- Gipatuman karon sa lokal nga kagamhan sa dakbayan sa Ormoc ang kamanduan ni President Rodrigo Duterte nga limpyuhon ang mga babag sa pampublikong karsada.

Dul-an sa 50 ka mga stalls ang gipangguba sa kagamhanan ug gipangbalhin sa foodpark ug sa daan nga legislative building.

Lakip sa naapektohan sa clearing operation ang mga manindahay og prutas sa dan J.Navarro duol sa daan nga City Hall ug mga manindahay og buwak sa dan Burgos kilid sa mini forest.

Apektado usab sa clearing operation ang mga lechonan sa dan Real duol sa terminal ug mga bugasan ug karenderya sa kilid sa Tourism office sa may pier.

Matod ni Barnsby Cagang, pango sa City Traffic Enforcement and Management Office (TEAM), ang mga lechonan, namaligya og puso ug ubang pagkaon ilang ibalhin sa foodpark.

Ang mga namaligya og prutas gibalhin sa daan nga legislative building sa may city plaza.

Samtang ang mga namaligya og buwak ibalhin duol sa pasalubong center.

Matod sa mga manindahay og prutas, wa silay supak sa pag-implementar sa patakaran.

"Wa gyod mi problema kay total kami man sab tanan. Mo sunod ra gyod mi basta gikan sa atong gobyerno kay para raman sa kayuhan sa Ormoc. Thank you kaayo Mayor Richard Gomez nga wa mi nimo pasagdi," matod sa mga manindahay.

Nanghinaot karon ang mga manindahay nga hatagan usab sila og permanente nga pwestosa ilang mga tinda.

Gisunod sa TEAM ang paglimpyo sa mga sidewalks sa ubang kadalanan sama niadtong sidewalks nga dunay gipangparada nga motorsiklo ug gibutangan og mga tanom.

Hangtud sa gabii ang clearing operation sa syudad. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph