GIPILDI sa Spain ang Argentina, 95-75, aron makuha ang titulo sa FIBA Basketball World Cup. Gitambakan og 20 puntos aron makuha ang kadaugan niadtong Dominggo, September 15.
Sa sugod pa lang, nanguna gyud ang mga Espanyol, ug wa gyud pagukda ang kaatbang.
Ang point guard, Ricky Rubio, mihakot og 20 ka puntos ug tulo ka assists ug si Marc Gasol ug Willy Hernangomez midugang og tag-tulo ka shots matag usa, diin ang Spain mipundo og 47 rebounds, labaw og 20 sa Argentina, aron kinatibuk-an nga makuha ang kadaugan.
Gihulagway ni Gasol nga di matukib nga kalipay ang gibati human sab sila midaug og kampeyonato sa NBA World Championship uban ang Toronto Raptors.
Nakuha sa Espanya ang kadaugan niadtong 2006, diin ang igsuon ni Marc nga si Pau ang mibida.
Ang FIBA Finals sa Beijing gisaksihan sab sa dagkong ngalan sa basketball sama nila Chinese basketball legend Yao Ming, NBA Commissioner Adam Silver, Deputy Commissioner Mark Tatum, International Olympic Committee president Thomas Bach, FIBA ambassador ug five-time NBA champion Kobe Briant, Tony Parker ug Manu Ginobili.