BISAYA diay ni si Thia Thomalla nga usa sa mga bag-ong leading lady karon ni Alden Richards sa The Gift?
Ang iyang mama taga-Leyte samtang ang iyang papa usa ka Aleman o German. Si Thia nisikat dihang nidaug nga Miss Eco International 2018.
Daghang mga Bisaya nga artista ang GMA pero wa lang tingali mo kahibawo. Sama sa gwapang si Analyn Barro sa Bubble Gang bisdak sad to.
Kadto bitaw sila Ellen Adarna ug Isabel Oli sa GMA man sad to gikan nga mga bisdak sad.
Si Thia Thomalla mao ang ka-love triangle ni Mikee Quintos sa gugma ni Alden sa The Gift nga nagsugod na gabii.
Unsay plano?
Karon nang Marso 20, 2019 ma-expire ang franchise sa ABS-CBN apan hangtod karon hanap pa sa diyes panas kon ma-renew pa ba ni.
Usa ka source ang nitug-an nga duha kuno ang plano sa ABS-CBN: either mopalit sila og TV station nga duna nay franchise o adto na lang sila motutok sa digital sa ilang IWant.
Mao kaha ni rason nganong maorag way kisaw karon ang mga film outfit sa ABS-CBN alang sa 2020 kay kon masira tinuod ang ilang estasyon asa man nila i-promote ang ilang mga pelikula?
Sa GMA Network?
Sex Toys?
Niadtong Biyernes magul-anon kaayo ang usa ka beteranong photographer nga atong nahinabi.
Kini tungod sa gidangatan sa iyang dalagang anak human gigalgal kuno sa iyang mga kauban sa trabaho sa call center nga mag-inom.
Na-admit sa ospital ang iyang anak kay daw nawa ni sa iyang kaugalingon human sa hitabo.
Ang nakapakurat nila mao ang nadiskubre nilang mga sex toys ug mga “sachet” sa iyang bag. Duda nila dunay nagbinuang sa ilang anak.
Apan ang mga kainom niini puros ni-deny kay pareho kuno silang nakatug sa kahubog.
Moral lesson: di gyud magpataka og kuyog labi na kon padung mong mag-inom. Pastilan!
Anniversary Promo
Wa lang hibaw-e milapas na ta sa tungatungang bahin sa Septyembre.
I-anam-anam na nag hulog ang inyong mga kupon sa atong Anniversary promo aron di na matingub ug di mo magkarakara.
Daghang salamat sa atong mga sponsor nga “Mountain Paradise Resort” sa Buluang, Compostela, “Chilen Chicharon” ug sa “Cebu’s Original Boneless Lechon” nga maoy nagpaluyo karon sa atong 25th Superbalita Anniversary Promo.