MANGASDANG ang teams sa Philippine Basketball Association (PBA) nga mao ang San Miguel Beermen, Blackwater Elite, ug TNT KaTropa isip representante sa Pilipinas sa Terrific 12 tournament nga sugdan karong adlawa sa Macau.
Ang torneyo samluran sab og laing siyam ka teams gikan sa Chinese Basketball Association (CBA), Korean Basketball League (KBL), ug J League sa Japan.
Ang matag partisipanteng teams gitugtan nga makakuha og duha ka imports matag usa.
Gipangkuha nga imports sa Beermen mao sila si Desmine Wells ug Lester Prosper.
Ang Beermen mopakita og aksyon sa main game karong alas 7:00 sa gabii batok sa Zhenshen Aviators nga gisakupan ni 7-foot-2 Li Muhao, kanhi miyembro sa Chinese national team.
Ang Elite mokombati sa premirong duwa sugod sa alas 3:00 sa hapon batok sa two-time KBL champion Seoul SK Knights.
Gipangkuha nga imports sa Elite mao sila si Marqus Blakely ug Alex Stepheson.
Wala pa’y duwa ang KaTropa karong adlawa.
Naglagiting nga $150,000 ang ganti sa kompetisyon. (ESL)