ANG Compostela Sector sa grupong Syntrofia Nipahigayon og nagkalainlaing serbisyo sa mga lumolupyo sa Barangay Guiwanon, Compostela, Cebu niadtong Septyembre 15.
Gisugdan nila kini alas 8:00 sa buntag sa ilang libreng blood sugar ug blood pressure check-up sa mga senior citizen ug libreng tupi sa tanang residente sa maong barangay.
Sa pagka alas 10:00 gisunod usab nila dayon ang Libreng Pospas alang sa mga kabataan ug hamtong, pagkahuman niini nagpahigayon usab ang grupo og parlor games alang sa tanang mga nanambong sa maong kalihukan nga dunay ganting salapi ug goddies ang gihatag isip premyo.
Sa katapusang bahin, nagpa-raffle og mga bugas ug softdrinks ang grupo nga maoy nakapasamot sa kalipay sa mga residente sa Brgy. Guiwanon, Compostela.
Ang Syntrofia Compostela Sector gipangulohan nila ni Henry Tirso “SMES Henter” Cabatingan ug ni Ireneo “MES Taurus” Gomez ubos sa pag-giya sa ilang labaw nga si Mr. Feliculo “GSMES Double Delta” Lecciones, Jr.
Sa Oktubre 20, gikatakda usab nga mopahigayon og serbisyo sa komunidad ang Syntrofia Cumpang Liloan Sector ubos sa pagdumala ni Ronnie “MES Ron” Cuyos diha sa ilang lugar. (PR)