KALIMPYO sa tibuok siyudad sa Talisay ang gilantawan sa katapusan ning tuiga human nga pormal nga gilusad kagahapon sa buntag, Lunes, Septiyembre 16, ang ‘Basura mo, Panginabuhian ko’ nga programa sa kagamhanan sa syudad sa Talisay.
Kansang pinakalimpyo nga Purok, barangay ug tunghaan sa Elementarya ug Highschool ang makadawat og ganti atol sa Charter Day,sa Enero sunod tuig.
Giangkon sa mayor sa dakbayan sa Talisay Gerald Anthony Gullas, nga dili makaya sa gobyerno nga sila ra ang molihok alang sa paglimpyo sa nagkadaghang basura nga hinungdan sa mga pagbaha nga makabara sa mga sapa ug mga estero.
Matud sa mayor nga gikinahanglan ang tabang sa publiko ilabi na nga ulahi nila nga clean-up drive sa sapa ug esteros, nakahipos sila og 34 metriko toneladang basura.
Ug isip mas pag-awhag sa katawhan nga manggilabot, hinungdan nga gimugna sa Talisay City government ang nagkadaiya nga programa, aron makatabang sa pag-recycle sa mga basura nga mahimo pa nga magamit.
Ang mananog nga barangay, purok, elementarya school ug high school diin ang 3rd place makadawat og P10 mil; P20 mil sa ikaduha ug unang ganti, P30 mil. Kini alang sa matag kategorya. (FMD)