LOLO patay human naigo sa kuno sa iyang silingang gikaatraso dihang nanulong niadtong Sabado, Septiyembre 14, sa alas 7:00 sa gabii sa Barangay San Vicente, dakbayan sa Bogo.
Si Rodulfo Cordova, 69, minyo, dispatser, nagpuyo sa nahisgutang lugar dead-on-arrival (DOA) sa Provincial Hospital sa dakbayan sa Bogo.
Ang suspek si Henry Rodriguez, 50, laborer, silingan sa biktima kinsa gibuhian sa kapulisan alas 3:00 kagahapon sa hapon, Lunes. human ang asawa sa biktima ni-execute og affidavit of desistance.
Matud ni Police Master Sgt. Victor Avenido, imbestigador sa Bogo Police Station, ang biktima nagdalag kutsilyo kay iyang patyon ang suspek.
Ang suspek naglikay sa kagubot daling mibiya sa dapit niadto sa iyang barangay kapitan kinsa nirespondi nakuhaa ang kutsilyo sa biktima.
Bisan kun nakuha na sa kapitan ang kutsilyo, ang biktima gikathong isog gihapon busa nitawag sila'g pulis. (BBT)