SUPERBALITA CEBU

P4 mil­yon Pagcor fund sa matag buwan usbawan: Labella

DILI na ikahibulong kon usbawan sa Philippine Amusment and Gaming Corporation (Pagcor) ang ilang binuwan nga bahin ngadto sa Cebu City Government.

Sila si Mayor Edgardo Labella ug Pagcor Chairman Andrea Domingo nagtagbo didto sa balay ni Cebu City Sports Commission Chairman Edward Hayco para ilang hisgotan ang mga programa ug proyekto sa dakbayan kansang pundo gikuha gikan sa Pagcor.

Sa kasamtangan, ang City of Cebu nagdawatan og P4 milyones matag buwan gikan sa Pagcor isip bahin sa dakbayan sa ilang operasyon sa Sugbo.

“We met and after a discussion she told us that she is happy that we are now the mayor and they are willing to collaborate, coordinate and work with us. In fact she hinted that they are ready to augment or add our monthly Pagcor funds that we are receiving," pagsubay ni Labella sa ilang estorya ni Domingo.

Ang mayor wala nibutyag kon pila ang idugang sa Pagcor labot sa share sa Cebu City sa ilang operasyon dinhi sa dakbayan apan sigurado siya mapun-an kini para sa programa ug proyekto nga nasubay sa lagda sa Pagcor.

Si Konsehal Raymond Garcia, kinsa didto usab sa meeting, nagkanayon nga mopadala sila og suwat ngadto sa buhatan ni Domingo kinsa mao nay modala didto sa ilang board meeting para sa approval.

Ang konsehal nagkanayon nga kapin na sa dekada nga wala usbawi sa Pagcor ang bahin sa Cebu City ug karon na ang hustong higayon nga mapun-an ang kwarta nga madawat sa dakbayan.

Si Labella niingon nga kon mapun-an ang pundo nga madawat sa Cebu City gikan sa Pagcor, dako kini og ikatabang sa mga proyekto ug pagpalambo sa paugnat sa kusog.

“It will pave the way for more projects for the city and more development program for sports specially in the grassroots level in our barangays specially the mountain barangay where it has less access to sports,” padayag sa mayor.

Giawhag ni Labella si Hayco sa pagpadayon sa dance sports nga nagbutang sa Sugbo sa mapa sa dance sports competition ug palambuon ang ubang natag sa paugnat sa kusog. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph