PATAY ang mag-uyoan human gipamusil samtang nag-vigil niaging mga adlaw sa Barangay Tambacan, Iligan City.
Giila ang mga biktima nga mao sila si Rio Concepcion, 37, ug Mark Concepcion, 22, kinsa nagdula og barahan samtang nag-vigil.
Kalit nga gipamusil sa suspek nga giilang si Gino Capuyan, kinsa boluntaryo sab nga mitahan human sa insidente.
Giingong personal nga away ang motibo.
Kasong murder nga duha ka ihap ang atubangon sa suspetsado.