SUPERBALITA CAGAYAN DE ORO

Mga pasidungog gihatag atol sa 118th Police Service Anniversary

CAGAYAN DE ORO. Nahimong bisita si PNP Deputy Chief Police Lieutenant General Archie Francisco Gamboa atol sa ika 118 nga anibersaryo sa Police Services sa RHQ Grandstand, Camp 1 Lieutenant Vicente Alagar, Cagayan de Oro City niadtong Lunes, Septiyembre 16, 2019. (Kris C. Sialana)

GIPASIDUNGGAN ang mga awardee nga indibidwal nga sakop sa kapulisan ug nagkadaiyang unit sa Police Regional Office (PRO)-Northern Mindanao atol sa 118th Police Service Anniversary nga gipahigayon sa RHQ Grandstand Camp 1 Lieutenant Vicente G. Alagar, Cagayan de Oro City.

Si Police Colonel Benedicto Pintor ang Best Senior Police Commission Officer (PCO) for Administration, Police Captain Harlene Jane Santoluma ang Best Junior PCO for Administration, Police Major Alexy Sonido ang Best Junior PCO for Operation, Police Chief Master Sergeant Lyrma Cajegas ang Best Senior PNCO for Administration, Police Staff Sergeant Mary Beth Gentallan ang Best Junior PNCO for Administration, ug Non-uniformed Personal Fe Quijada ang Best NUP, Non-Supervisory level.

Samtang sa unit awardee mao ang Best Police Provincial Office nga nakuha sa Bukidnon Police Provincial Office, Best City Police Office ang Cagayan de Oro City Police Office, Best Provincial Mobile Force Company ang Bukidnon 1st Provincial Mobile Force Company, Best City Mobile Force Company ang Cagayan de Oro City Mobile Force Company, Best Component City Police Station mao ang Gingoog City Police Station, Best Municipal Police Station mao ang Claveria MPS, Misamis Oriental PPO, Best City Police Station ang Police Station 5 (PS5) sa Macabalan, ug Best Administrative Support Unit ang Regional Finance Service Office 10 ug Best Operational Support Unit sa Regional Crime Investigation and Detention Unit-Northern Mindanao.

Gitambongan mismo ni Police Lieutenant General Archie Francisco Gamboa, Deputy Chief sa Philippine National Police (PNP) for Operations, ang maong kalihokan ug gidayeg ang mga awardee.

"To the awardees, congratulations for your outstanding achievements," matud ni Gamboa.

Gitunolan usab mismo niini og pahalipay nga salaping cash og P10 mil matag usa ug naghatag usab sa mga unit.

Samtang si Police Lieutenant Colonel Ariel Philip Pontillas, hepe sa Gingoog City police, miingon nga kini na resulta sa ilang pagpaningkamot sa pag-aresto sa mga wanted person, kampanya sa illegal nga druga, crime prevention, ug sa mga best practices sa kapulisan sama sa kiddie pulis.

"Ang pagserbisyo is coming for the heart. Not for the sake of compliance. Not for the sake nga maila ka. Not for the sake of fame. No, the service should come from the heart and it should be delivered personally to the public," matud ni Pontillas.

Kini na ang ikaduhang higayon nga nakasakmit sa maong award sa pagdumala ni Pontillas ug laing mga awardee na usab kini isip Best PCR, PCO, PNCO, ug Best admin PNCO sa ilang buhatan.

"This is in result to our massive campaign on illegal drugs, arrest of wanted persons, crime prevention, the significant decrease of crime volume sa atong AOR (Area of Responsibility). And of course our best practices," matud ni Pontillas.

Nasayran nga nagabase kini sa usa ka tuig nga mga accomplishment o mga kalamposan sa kapulisan sa pagsulbad sa mga krimen ug uban pa gikan sa Hulyo 2018 hangtod Hunyo 2019.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph