SUPERBALITA CAGAYAN DE ORO

Sekretarya sa NPA, 6 mitahan

USA sa labing dunay dakong posisyon sa New People's Army (NPA) ang nitahan ug laing unom pa diha sa Police Regional Office (PRO)-Northern Mindanao sa Bukidnon Provincial Office gikan sa Agusto 22 hangtod Septiyembre 11, 2019.

Pito tanan ang mga nitahan sa kapulisan, diin usa niini babaye ug regular nga sakop sa NPA isip sekretarya sa Guerilla Front 89, nga usa ka labing dakong posisyon nga ang operasiyon sa Malaybalay, Cabanglasan, San Fernando, ug Impasug-ong. Ang laing unom ka mga lalaki mga Militia ng Bayan (MB).

Pinakabata nag-edad og 28 ug ang pinakagulang nag-edad og 55.

Ang maong mga nitahan nagbitbit og mga armas sama sa kalibre 30 sniper rifle nga dunay magazine ug puno sa 10 ka bala, homemade revolver type nga caliber 5.56 nga dunay buhing bala, duha ka 38 revolver nga tulo ka buok ang bala, ug tulo ka mga shotgun nga dunay 12 ka gauge ammunition.

"Mahadlok ko, sir. Kay kabalo baya ta sa balaod sa gobyerno. Gaapason man gud naku sir na malimpyo ako ngalan. Kinsi gud ako ka tuig sa sulod, sir. Sige'g hakuta sa bugas, unya usahay malayo pa gyud sa pamilya kung mag giyera. Dili ka masayod. Basin dakpon ra ka kalit sa sundalo," matud sa usa sa mga nitahan.

Giingong gi-recruit sila sa pasalig nga hatagan og suporta sama sa sweldo matag bulan nga P10,000, pamalit og pagkaon alang sa pamilya, ug P50,000.

Nitahan ang mga kanhi NPA sa PRO-Northern Mindanao, ilabi na ni Regional Director Police Brigadier General Rafael Santiago Jr., sa pagpaningkamot usab sa force commander nga si Roel Lami-ing sa 1st Provincial Mobile Force Company.

Gibutyag ni Police Lieutenant Colonel Mardy Hortillosa, tigpamaba sa PRO-Northern Mindanao, nga wala natuman ang mga saad sa NPA ilabi na paghatag og mga sweldo, allowance, ug uban pa. Ug sa kadugay na, galisod pa gihapon ug nabalaka sa ilang seguridad rason nga nibalik sa sabakan sa gobyerno.

Giingong giproseso na ang ilang mga dokumento.

"Ang una natong kuhaon ani kaning gitawag nato nga JAPIC (Joint AFP PNP Intelligence Community) nga mag-validate kung tinuod ba ni siyang nga mga rebeldeha o militia ng bayan," matud ni Hortillosa.

Gidugang pa nga kung mapamatud-an kining mga tinuod nga sakop sa NPA gikan sa Japic, ayha na kini ma-enrol sa E-Clip o "Enhanced Comprehensive Local Integration Program" ayha mahatagan og assistance sama sa P15 mil nga immediate assistance ug uban pa.

Samtang bayaran og dobleng kantidad sa armas nga gibitbit atol sa pagtahan o pagbalik sa sabakan sa gobyerno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph