SUPERBALITA CAGAYAN DE ORO

Tourism office sa Kapitolyo gibuksan

DUNGAN sa pagbukas sa Tourism Week Celebration nga gisugdan Lunes, Septiyembre 16, paingon ngadto sa adlawng Biyernes, gibuksan usab ang Provincial Tourism department office.

Kini gipangunahan ni Governor Bambi Emano ug Tourism head Atty. Jeffrey Caudor Saclot, uban sab ang mga opisyal sa Association of Tourism Officers in the Philippines (Atop).

Gibutyag ni Emano nga dili lang kini basta-bastang buhatan tungod kay ang first floor niini usa ka Pasalubong Center ug Negosyo Center.

Mga P10 milyones ang kinatibuk-ang budget sa katukoran niini kon asa ang P3 milyon gikan sa premyo sa probinsya dihang nasakmit sa lalawigan ang Seal of Good Local Governance (SGLG). Aduna sab pundo gikan sa Provincial Government ug Department of Trade and Industry (DTI).

Gipasabot niini nga ang katunga mao ang Negosyo Center.

"Kung dunay mga kapitalista, mga investor moanhi sa kapitolyo para dili na motaas iyang trabaho ug maglisod among gipadali. Ug pwede siya dinhi mangutana sa negosyo center," matud ni Emano.

Samtang ang Pasalubong Center o Tinagbuan ang katunga niini.

"Tanang prudoktong ginama sa MisOr pwede na ninyong makit-an dinhi ug aduna tay coffee shop sa silong," dugang ni Emano.

Laumang sa pagbukas sa Pasalubong Center, mabuksan sab ang Capitol Park kon asa sa gawas niini adunay dakong LED TV nga mopasundayag o mopasalida sa mga patsadang talan-awon sa lalawigan diin ang mosuroy sa parke makalantaw samtang nagpahayahay.

Si Saclot mibutyag nga nalipay siya nga nahatagan na og katumanan nga makabaton og gwapong buhatan ang Tourism aron maakomodar ang bisan kinsang domudoung sa lalawigan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph