SUPERBALITA DAVAO

‘Leafshade Bench’ music video ni RJ, miguwa na

LAING music video ni RJ Manulid ang miere ning bag-o lang.

Niadtong Dominggo, Septyembre 15, gipaambit sa local singer ang video sa kanta niyang “Leafshade Bench” sa YouTube.

Ang kanta gikan sa “Reassurance”, ang album nga gi-release sa Davao indie pop artist karon nga tuig.

Sa iyang music video, makita si RJ nga nagbaktas sa baybayon samtang nagmuni-muni sa mga kagahapon sa gugma.

Uban ang lima ka verse ug way chorus, ang kanta may tuhop kasingkasing nga mensahe.

“Leafshade Bench is about accepting that things don’t always go the way we planned,” tsika ni RJ.

“As long as we continue to learn and stay hopeful, we’ll be fine somehow.”

Si RJ nauna ng mihimo og duha ka kanta alang PhilPop 2018 Champion Chud Festejo’s Laro-Laro Lang EP.

Niadtong Agosto, nag-perform sab siya sa Cagayan de Oro ug Bukidnon alang sa The Panahom Tour uban sila Festejo and Eamarie, nga Himig Handog 2019 finalist.

Si RJ usa ka Filipino singer-songwriter ug producer nga nahimugso sa Cebu City apan midako sa Davao City.

Samtang nagpatukar sa keyboard sa nagkadaiyang banda sa University of the Philippines Mindanao, nagsugod na sab siya og suwat og mga kanta niadtong 2011.

Gikanta niya ang iyang mga awit kaniadto as lead singer sa local alternative rock band nga Pushmid gikan 2013 ngadto 2015.

Human niini nakat-on siya sa pagprodyus og electronic music.

Ang Reassurance, usa ka self-produced debut album, nga gipaguwa niadtong Nobyembre 17, 2018.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph