GISIGURO karon sa kagamhanan sa dakbayan sa Mandaue nga kapugngan ang pagsulod sa African Swine Fever (ASF) virus sa siyudad.
Si Mandaue City Mayor Jonas Cortes mipagawas og executive order pag-ban sa mga buhi ug karneng baboy ingon man ang uban pang produkto nga gikan sa Luzon nga dad-on o itumod sa siyudad sa Mandaue.
Kini agi sa pagsanong sa gipagawas nga kamanduan sa kagamhanan sa Probinsya sa Sugbo nga nag-ban sa nga produktong baboy sa lalawigan sa Sugbo.
Si Mayor Cortes sa iyang bahin naglaraw nga ang ipatuman sab ang hingpit nga pag-ban sa mga international meat products nga sagad i-deliver ngadto sa mga kan-anan ug hotels.
Hugot usab ang mando sa mayor sa Department of Agriculture (DA) ug City Veterinary Office (CVO) sa subsob nga pag-monitor sa tanang pantalan pagpugong sa mga mosulod nga buhing baboy ug meat products nga way igong dokumento. (ANV)