SUPERBALITA CEBU

Linao, Lawaan I nakatilaw na'g kadaugan sa Talisay basketball juniors

NAKATILAW na og kadaugan ang Linao ug Lawaan I sa Juniors division sa 2019 Talisay City Mayor’s Cup niadtong Lunes sa gabii, Septiyengre 16 sa Talisay Sports Complex.

Ang Linao ningpukan sa Manipis, 90-84, samtang ang Lawaan ning-rally sa 4th quarter aron lupigon ang Camp 4, 88-82.

Naggukod og 10 puntos ang Lawaan human sa tulo ka quarters apan ilang nadominar ang Camp 4 sa tibuok 4th quarter, 30-14, aron angkunon ang kadaugan.

Mao kini ang labing unang daog sa Lawaan sulod sa tulo ka mnga duwa samtang ang Camp 4 nangatagak sa 0-4 nga baraha.

Gipangulohan ni Kent Camanga ang Lawaan pinaagi sa iyang 27 puntos samtang nitunol og 21 puntos si James Labrador.

Ang Linao, nga ningsaka sab sa 1-2 nga rekord, gipangulohan ni Ivan dela Rita pinaagi sa iyang 25 puntos samtang nidugang og 23 puntos si Daniel Madayan.

Sa Seniors division, gipatapsingan sa Maghaway ang Jaclupan, 98-96.

Tulo ka mga magduduwa sa Maghaway ang nagbangis.

Gipangulohan ni Robert Labrador ang Maghaway pinaagi sa iyang 29 puntos, nihatag og 27 puntos si Renbert Cabatas samtang nitampo og 22 puntos si Kevin Tecson.

Sa laing duwa, gipangmakmak sa Candulawan ang Manipis, 90-79. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph