Melindo moaway na'g balik

HUMAN sa taas-taas nga panahon, mobalik og away si ALA fighter Milan Milendo karong Oktubre 5, 2019 batok kang Junto Nakatani sa Korakuen Hall sa Tokyo, Japan.

Gipasabot sa head trainer sa ALA stable nga si Edito Villamor, mahinungdanon kining away alang kang Melindo gumikan kay usa kini sa mga agianan aron makaaway kini’g balik alang sa world title.

Si Melindo katapusang miaway niadtong Oktubre 7 sa miaging tuig diin nalupig siya ni Japanese Ken Shiro pinaagi sa 7th round TKO sa ilang World Boxing Council (WBC) light flyweight championship title bout.

Nagisian og dako sa 7th round sa ibabawng bahin sa iyang mata si Melindo hinungdan nga giundang na lang sa referee ang away pabor kang Shiro.

Gitataw ni Villamor nga hingpit nang naalim angangol sa mata ni Melindo ug andam na kining mosagubang og dagkong mga away.

Si Melindo, kinsa usa ka kanhi world champion, adunay 37-4, 13KO nga rekord samtang si Nakatani adunay 19-0, 14 KOs nga baraha. (EKA, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph