SUPERBALITA CEBU

MP head misupak sa ideya ni Floyd

DAKONG supak ang kampo ni Manny Pacquiao kabahin sa ideya ni American boxing legend Floyd Mayweather Jr. nga makig-away kini’g balik sa Pambansang Kamao sa Pilipinas apan sa usa ka exhibition bout sa Tokyo, Japan.

Si Sean Gibbons, presidente sa MP Promotions, mihulagway sa ideya ni Mayweather nga “wala’y hinungdan.”

Ning bag-uhay lang, si Mayweather nag-post sa social media aron ipadayag ang iyang plano nga exhibition bout.

Ang boxing fans sa tibuok kalibutan naglibog kon nganong mao kini ang nahunahunaan ni Mayweather.

“Floyd is Floyd. He goes to the beat of his drum,” matod ni Gibbons nga napatik sa www.philboxing.com.

Pipila ka mga oras human nigawas ang post ni Mayweather sa Instagram, mitubag si Pacquiao pinaagi sa pag-ingon nga kon mag-away sila’g balik ni Mayweather, kinahanglang tinud-anay nga away.

Laing kaabag ni Pacquiao nga si David Sisson nagtuo nga gigamit lang ni Mayweather ang pangalan ni Pacquiao alang sa iyang interes.

Unang nag-away sila si Pacquiao ug Mayweather niadtong 2015 diin mibuak kini og daghang mga rekord sa boksing partikyular sa pinansyal nga aspeto.

Midaog si Mayweather pinaagi sa unanimous decision apan gibutyag ni Pacquiao nga naangol ang iyang tuo nga abaga sa tungatungang bahin sa away hinungdan nga gusto gyud kini og rematch aron makabawos.

Apan hangtod ning puntoha, hanap pa gihapon nga madayon ang gihandom nga rematch ni Pacquiao.

Si Mayweather misaksi sa duha ka mga away ni Pacquiao ning tuiga hinungdan nga ningkusog ang hugonhugon nga madayon ang rematch.

Apan gitataw sa retiradong si Mayweather nga wala na siya’y interes nga mobalik pa’g away. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph