Amahan, anak sikop sulod sa spa

GIKUSTODIYA sa kapulisan ang duha ka mga langyaw human nga nangita og "extra service" sulod sa spa sa J.R Borja street, Cagayan de Oro City.

Ang maong duha ka Chinese national naila nga sila si Kenneth (bansagon gitago), 36, ulitawo, ug si Samuel (bansagon gitago), 67, kinsa giingong mag-amahan ug lumulupyo sa Barangay Kauswagan.

Sa impormasiyon gikan sa kapulisan, nasayran nga nikalit na lang og dagan pagawas sa massage area ang masahista human giingong gipugos pagkuha ang iyang kamot ug gipagunit sa junior niini. Samtang ang usa ang gikumot ang iyang pribadong parte sa lawas samtang nagmasahe.

Nasayran nga naka-inom ang duha.

Buot usab sa tinugyanan sa maong spa nga mopasaka og kaso, samtang gipanghimakak usab sa mga suspetsado ang alegasiyon.

Giingong gisumbag pa ang kadagkoan sa maong patigayon ilabi na ang ilang manager.

Samtang mapasalamaton usab ang tinugyanan sa Regulatory Compliance Board (RCB) ilabi na nga susamang nagbunga na ang ilang hugot nga kampanya batok sa mga gikataho kaniadto nga mga "extra service" sulod sa mga spa.

Gibutyag ni Antonio Resma Jr., inspectorate team leader sa RCB, nga nalipay sila ug positibo kini alang kanila ilabi na nga mismong mga masahista na ang magsumbong sa mga susama niini.

"Yes. Most probably result na gyud ni sa atong mga IEC. Nalipay ta kay empowered na gyud atong therapist and mismo sila ga sumbong na sa police and ga tindog sa ilang rights nga dili bastoson," matud ni Resma.

Ang maong insidente ang nakatala na sa buhatan sa kapulisan alang sa tukmang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph