GISUTA pa karon sa kapolisan kung unsay hinungdan sa kamatayon sa 65 anyos nga napalgang patay ilawom sa kalubihan mga alas 8:30 sa buntag Martes, Septiyembre 17, sa Barangay Poblacion, lungsod sa Sugbongcogon, Misamis Oriental.
Giila ang biktima nga mao si Noli Magallano Jr., 48, residente sa susamang dapit.
Ang amahan niini ug kauban nga si Francis Tagud maoy nakamatikod sa patayng lawas sa biktima nga nagbuy-od tapad sa mga lukay sa lubi.
Dili pa masuta sa kapolisan kung unsay hinungdan sa kamatayon niini apan gitouhang nahulog kini gikan sa iyang gisaka nga lubi.
Ang kapolisan miabiso nga ipaubos sa otopsiya ang patayng lawas aron masuta ang kinatibuk-ang motibo sa kamatayon sa biktima.