MOABOT ngadto sa 300 ka mga wanted person ang nasikop sa Gingoog City Police Station.
Kini basi sa bag-ong datus nga gipagawas sukad nga gipangunahan ni Police Lieutenant Colonel Ariel Philip Pontillas ang chief sa Gingoog City Police Station.
Sa maong gidaghanon, moabot ngadto sa 10 ka mga high-value target ang nasikop.
Ang buhatan nagpadayon sab sa pag-implementar sa good practices sama sa "Kiddie Police," "Barkada Kontra Druga," ug "Sports Activities" kon asa mahatagan og pamaagi ug kahigayunan nga mahilikay sa mga dautan nga bisyo ug pagamit sa ginadili nga druga.
Ang maong mga lakang sa kapolisan maoy hinungdan nga naangkon sa istasyon ang pasidungog isip Best Component City Police Station sa bag-ohay lang nga awarding subay sa ika 118th nga anibersaryo sa Philippine National Police.
Moabot sab ngadto sa 49 porsiyentos ang pagkunhod sa kriminalidad sa siyudad.