Dear Noy Kulas,
Maayong adlaw nimo. Tagoa lang ko sa ngan nga Renan, apil ang akong email. Ang akong problema mao ang akong girlfriend nga taguon lang nato sa ngan nga Sussy.
Dihang nag court ko niya, nakabantay na ko nga medyo tigduol siya og mga lalaki ug sagad sa iyang mga barkada mga lalaki. Usa niya ka barkada nga akoang naamigo ni describe sa iyaha nga shota ng bayan kay bisan kinsa lang ang uyabon unya ang tanan nakatilaw. Di lang siya ang akoang nadunggan kay bisan akong friends nga nakaila niya the same og feedback sa akoa.
Bisan sa akong nahibaw-an, nipadayon ko og court sa iyaha kay lagi, na love na nako siya. Ang naka okay, niprangka siya nga di na siya virgin and she slept with different men. Makadawat ba kuno ko niya. Ni say yes ko as if wa ko kahibawo sa iyang background. Didto, ni say yes siya but dunay conditions. Di ko niya pahilabton kon molaag siya ug di ko niya gustong pakuyogon. Di ko magselos kon naa may lalaki nga close niya kay ing ana siya. Di puwede nga manghilabot ko sa iyang social media. Daghan siya og restrictions.
Karon nag sixth monthsary na mi ug maayo ra ang dagan sa among relastionship but dunay time gaduda ko nga nagpatilaw siya og laing lalaki kay makakita ko sa pictures niya, lahi ra. Usahay gusto kong mobiya pero mingawon ko og todo. Unsay imong ikasulti, Noy? Maayo kaha nga ako ning ipadayon? Di ba sayang ang six months?
RENAN
Nan,
Kon di ka comfortable sa iyaha kay nagduda ka nga duna siyay encounters sa ubang mga lalaki, gawas sa inyong relationship, biya. Sakit nga magsige ka og huna-huna niana kay di baya lalim magtuyok ang imong utok. Kon di ka makahimo pagbiya, dawata na lang nga mao na ang iyang nature. Imo na lang dawaton nga sa wa ka pa sa iyang kinabuhi ing ana na siya. Unya, dihang nanguyab ka niya, nasayod na man ka unsa siya.
Apan kon gusto ka og peace of mind, lingkawas sa mao nga relasyon. Ayaw pagpabilin kay basin, moabot ang panahon nga imo kining mahayan. Ang kuyaw momabdos siya unya lain ang amahan apan ikaw ang paangkunon nga papa. Okay ra ba na nimo? Or makahukom kang magminyo mo, mosugot siya apan magpabilin ang restrictions, kapait huna-hunaon, di ba? Mas maayo pang mobiya.
NOY KULAS
rojval69@yahoo.com