SUPERBALITA CEBU

Nalzaro: Adunay ‘criminal mind’ si Digong?

Saksi

MATOD pa sa iningles, “The cat is finally out of the bag.” Gibutyag ug giangkon na ni Presidente Rodrigo Duterte nga siya maoy nagmando sa pagpa-ambush ni retired PNP general ug kanhi Daanbantayan mayor Vicente Loot Jr. Atol sa iyang pagpamulong sa oath taking ceremony sa mga bag-ong appointed government officials sa Malakanyang, giangkon sa Presidente nga siya maoy nagpa-ambush ni Loot gumikan sa kalambigitan niini sa illegal nga drugas. Dugay nang gihinganlan ni Digong si Loot nga drug protector.

Niadtong Mayo 2018, si Loot uban sa iyang pamilya, gisuwayan pag-ambush sa pantalan sa Daanbantayan gikan sila sa isla sa mga armadong mga tawo. Upat ka mga tawo apil na ang iyang mga bodyguards ug yaya sa iyang mga anak ang naangol sa maong pagpang-ambush. Wala maigo si Loot ug nakasibat ang mga gunmen luwan sa usa ka van. Sukad niadto, wala ba mopakita si Loot.

Matod pa ni Digong: “P...tang ina mo, General Loot, pina-ambush na kita. Buhay ka pa? Animal ka. Buhay ka pa rin? P... tang ina mo, pinaaral ka ng gobiyerno sa Philippine Military Academy (PMA) tapus kayong mga unggoy, sinira ninyo ang bayan.” Apan giklaro sa Malakanyang nga ang maong pamahayag sa Presidente batok ni Loot, usa lamang ka komedya.

Komedya man o dili, makapa-alarma kini nga pamahayag kay gikan mismo sa pinakataas nga opisyal sa atong kagamhanan. Nagpamatuod ba kini sa mga pamasangil kaniadto ug hangtod karon nga adunay “criminal mind” kini si Digong ug nga daghan na siyag gipamatay kaniadto. Tinuod ba kadtong mga akusasyon sa iyang mga tawo kaniadto nga mayor pa siya sa Davao City?

Magpamatuod ba ni sa mga pagduda nga siya maoy responsable o nagpaluyo sa pagpatay sa iyang nga kritiko sama kang Davao radio commentator Jun Pala, ang founder sa Alsa Masa sa Davao?

Inig human sa iyang termino, puwedeng makiha siya niining iyang pag-angkon. Ug ang history ra unya ang mohukom kon sakto ug tarung ba kining gihimo ni Digong sa pagkakaron. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph