ANG Team Red Lion pinanguluhan ni Cong. Manuel “Way Kurat” Zamora ang Overall Champion (1,095 Puntos) sa bag-uhay pa lamang nahuman nga “Provincial Sportsfest 2019.”
Misunod kanila ang Black Panther (1.0120 puntos) nga gipanguluhan ni Cong. Ruwell Peter Gonzaga nga midawat sa mga premyong salaping cash ug tropeyo gikan ni PA Virgilia S. Allones ug PHRMDO Chief Lara Zaphire Kristy N. Bermejo atol sa Regular Employees Convocation Program niadtong Lunes, Septyembre 16.
Ang Team Red Lion maoy miangkon sa unang ganti sa Search for Binibining Siksik; Banner Raising; ug sa mga dulang Octo Sack Race, Skipping Rope, Tug of War Women, Tug of War Men, Volleyball Men, ug Basketball Men.
Samtang, 1st prize winner sab ang Black Panther sa Karang, Volleyball Women, Basketball Women, ug Amazing Race.
Ang “Provincial Employees Sportsfest 2019” gihimo sulod sa duha ka adlaw, Septyembre 12-13, 2019 sa Comval Capitol Employees.
Mga empleyado nagtakos sa nagkadaiyang Sports Events sama sa Basketball, Volleyball, Badminton, Tug of War, Karang, Skipping Rope, Octo Sack Race, Mega Crew Dance Competition, Ginoo at Binibining Siksik, ug Banner Racing.
Nakauban ni Gov. Jayvee Tyron Uy ang SP Members sa pagpanguna nila ni Vice Gov. Maricar Zamora ug Senior BM Arturo “Chiongkee” Uy nga nanguna sa duha ka adlawng “Provincial Employees Sportsfest 2019” diha sa Comval Capitol Ground. (PAO-ID Comval)